“Şair Sabir” quru yük gəmisi Xəzərdə fider daşımalara cəlb olunub
“Azərbaycan Xəzər Dəniz Gəmiçiliyi” QSC (ASCO) ilə “ADY Konteyner” MMC arasında fider daşımalarla bağlı yeni əməkdaşlıq müqaviləsi imzalanıb.
Müqaviləyə əsasən, ASCO-nun Dəniz Nəqliyyatı Donanmasına məxsus “Şair Sabir” quru yük gəmisi ilə Ələt-Türkmənbaşı-Ələt limanları arasında konteyner yükü daşınacaq.
Qeyd edək ki, “Şair Sabir” quru yük gəmisi eyni vaxtda 225 ədəd 20 futluq konteyner daşımaq gücünə malikdir.