ASCO-nun “qaynar xətti”nə 244 zəng daxil olub
“Azərbaycan Xəzər Dəniz Gəmiçiliyi” QSC-nin (ASCO) Dənizçilər poliklinikasında koronovirusla bağlı yaradılmış (050) 274 30 82 nömrəli “qaynar xətt”inə 28 fevraldan 18 mayadək ümumilikdə 244 zəng daxil olub.
Onlardan 117-si koronavirus və karantin, 127-si isə müxtəlif suallarla əlaqəli olub. Müraciət edən şəxslərə psixoloji dəstək göstərilib, onlara tövsiyələr verilib.
“Azərbaycan Xəzər Dəniz Gəmiçiliyi” QSC-yə (ASCO) məxsus “Dənizçilər Poliklinikası” MMC-də koronovirusla bağlı fəaliyyət göstərən “qaynar xətt” vətəndaşların maarifləndirilməsi, məlumatlandırılması və virusla bağlı suallarının cavablandırılması məqsədilə yaradılıb. Zənglər günün 24 saatı ərzində qəbul olunur və müraciətlər operativ şəkildə cavablandırılır.