Xəbərlər Xəbərlər "Dəniz" qəzeti E-nəşrlər Foto qalereya Video qalereya ASCO-nun yeni istiqrazlarına abunə yazılışı başlayıb 18.12.2023 11:46 Bakı Fond Birjasının (BFB) Listinq Komitəsinin qərarı ilə 13 dekabr 2023-cü ildə premium bazar seqmentində listinqə daxil edilmiş “Azərbaycan Xəzər Dəniz Gəmiçiliyi” QSC-nin (ASCO) ümumi dəyəri 50,000,000 (əlli milyon) ABŞ dolları olan yeni istiqrazlarına 18 dekabr 2023-cü il tarixindən abunə yazılışı başlayıb. Abunə yazılışı prosesi 18 fevral 2024-cü ilədək davam edəcək. Yerləşdirmə üzrə anderrayter “PAŞA Kapital İnvestisiya Şirkəti” QSC-dir. İstiqrazların emissiya prospektini BFB-nin internet səhifəsində “Emitentlərin profili” (https://www.bfb.az/az/emitentler) bölməsindən əldə edə bilərsiniz. İstiqrazlar üzrə məlumat aşağıdakı kimidir: Dövlət qeydiyyat nömrəsi - İSİN: AZ2002019340 İstiqrazların növü və forması: Faizli, təmin edilməmiş, sənədsiz adlı İstiqrazların sayı: 50,000 (ədəd) Nominal dəyəri: 1,000 ABŞ dolları İllik faiz dərəcəsi: 6 % Tədavül müddəti: 5 il Kupon faizlərinin ödəniş müddəti: İldə iki dəfə (6 aydan bir olmaqla) Abunə yazılışında iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilib. Xatırladaq ki, bundan əvvəl - 29 dekabr 2022-ci ildə “Bakı Fond Birjası” QSC-nin Listinq Komitəsinin qərarı ilə premium bazar seqmentində listinqə daxil edilmiş ümumi dəyəri 100,000,000 (bir yüz milyon) ABŞ dolları olan ASCO-nun ilk istiqrazları tədavülə buraxılmışdır.